Xiaomi-nin çoxdan gözlənilən elektrik sedanı SU7 bu gün rəsmi olaraq təqdim olundu. Xiaomi-nin paylaşdığı məlumata görə, avtomobil 0-100 km/saat həddinə 2,78 saniyəyə çatır. Avtomobil HyperOS əməliyyat sistemi ilə smartfona bənzər yanaşma təqdim edəcək.
SU7 üç fərqli rəng seçimi ilə gəlir: Aqua Blue, Mineral boz və Verdant yaşıl.
Qeyd edək ki, Xiaomi batareya üçün CATL ilə əməkdaşlıq edəcək. Güc istehsalı baxımından avtomobilin 150 kVt-saatlıq versiyası 1200 kilometr, 132 kVt-saatlıq versiyası isə 1000 kilometr məsafə qət edə bilər. 3K piksel və 16 düymlük əsas ekranı ilə diqqət çəkən avtomobilin arxa oturacağında da 2 ədəd Xiaomi pad olacaq.
3 fərqli mühərrik vahidinə sahib olan SU7: V6, V6S və V8, V8 istehsalına 2025-ci ildə başlayacaq. 21 min RPM sürətləndirmə gücü ilə seçilən V6 və V6S, sürücülərin istifadəsinə verilməsi üçün istehsal prosesindədir.
Keçən aylarda paylaşılan məlumat SU7-nin maksimal sürətinin saatda 210 kilometr olduğu, SU7 Max versiyasının isə 265 km-ə qədər sürətə çata bilməsi idi. Xiaomi son aylarda iki güc aqreqatı variantı ilə gələcəyini də bildirdi: arxa təkərli (RWD) və elektron dörd təkərli (AWD). O dövrdə yayılan məlumata görə; Arxa təkərli variantda 220 kVt mühərrik, elektron dördtəkərli isə 275 kVt + 220 kVt mühərrik quraşdırması olacaq.
Pekində keçirilən təqdimatda Xiaomi şirkətinin baş direktoru Lei Jun bildirib ki, Xiaomi avtomobillərinin avtonom idarəetmə imkanları sənayenin zirvəsində olacaq. Belə ki; Avtomobilin avtonom sürmə xüsusiyyəti 2024-cü ilin sonuna kimi Çinin 100 şəhərində aktiv şəkildə istifadə ediləcək.
Xiaomi markalı avtomobillər BAIC Group dövlət avtomobil istehsalçısı tərəfindən Pekində illik 200 min avtomobil istehsal edən zavodda istehsal olunur. Bu kontekstdə Xiaomi on il ərzində avtomobillərə 10 milyard dollar sərmayə qoyacağını vəd edib.
Xiaomi CEO-su Lei Junun sözlərinə görə, bu avtomobillə şirkət dünyanın ən böyük beş avtomobil istehsalçısından biri olmağı hədəfləyir. Şirkətin məqsədləri arasında Porsche və Tesla ilə müqayisə edilə bilən avtomobil istehsal etmək də var.
Comments
Add comment